主页>T生活史 >(o靓)仔,边度㗎? 嚟呢个球场玩!

(o靓)仔,边度㗎? 嚟呢个球场玩!

2020-08-06 | 文章出自:
(o靓)仔,边度㗎? 嚟呢个球场玩! 1. 名句「(o靓)仔,你边度㗎?嚟呢个球场玩!」,出自于扑灭罪行委员会之「举报黑社会」宣传短片。(o靓)仔,边度㗎? 嚟呢个球场玩! 2.、3. 瀡滑梯、摇摇板、凼凼转、打韆鞦、爬钢架、铁马仔,已逐渐消失于近年间。(o靓)仔,边度㗎? 嚟呢个球场玩! 2.、3. 瀡滑梯、摇摇板、凼凼转、打韆鞦、爬钢架、铁马仔,已逐渐消失于近年间。(o靓)仔,边度㗎? 嚟呢个球场玩! 4. :电影《少林足球》中,强雄的名句:「球证、旁证、足协、足总、足委,全部都係我的人,点同我打呀?」

呢个场不嬲都係大人玩,你两个细路莫想凭选票,就可大摇大摆嚟做代表。要知道大人定下的重重关卡,可以按我主子心意,不断用公帑去司法覆核,游走穿梭于法律罅。我做主、你做客,莫讲话超支拨款,甚至乎议员资格,龙门规则都可以搬到你怕。

 

细个时记得电视有个广告,见一班青少年大声夹恶,其言道:「(o靓)仔,你边度㗎?嚟呢个球场玩!」当中两小无猜就被那些人三五成群,兇到鼻哥窿都冇肉,只好头耷耷、眼湿湿,有金都唔识执,落泪都唔敢去找家人。又有边一个会估到,昔日的暴力欺凌,会发生于今日崇高的议事会堂和院舍院长身上,礼崩乐坏,功能霸道。

 

伸张正义,杰青有责 其实上述对白出自于1989年,扑灭罪行委员会之「举报黑社会」宣传短片,记得以前细个嗰阵,楼下屋邨公园同球场总有些「飞仔」喽啰,虾虾霸霸,係人都去兇,唔顺眼就打。一般他们都会聚集至半夜三更,所以吾等良好小学生,就算係放学放下昼班,通常都会快快带同弟弟回家,免得俾人围、俾人。仍记得有一次,无意得罪同班同学,点知佢通知佢「大佬」,翌日就等我放学。俾十多个人跟尾然后「老围」,都咪话唔可怕。年纪轻轻,担心咗几晚,都唔敢向老师告发,可想而知智障院友,面对衣冠禽兽,只得无声吶喊。可悲不见有杰出青年,晒命之后以身份去彰显公义。

 

纯真青葱,败于宅化 昔日球场和游乐场确可聚人,三唔识七都可以交换电话号码。撇开那些童党跟班,街坊街里跑跑碰碰玩乐一番。汽水、薯片、西瓜波、发泡胶飞机,良朋欢笑心间,知足有如富甲天下。相处中有如契哥与细佬,还会于家长面前帮忙讲句好话。公园玩乐总会遇到同校同学,朝见温文,晚见百厌,校服以外,纯真一面。若然当中有同年异性,各人一言一语,发展小学鸡的雾水情缘,心思思又唔敢话佢知,你话係咪几咁低B。 不过香港由街童习惯变到宅男文化,由追逐互动去到贪Like丧Po,户外去到室内,沟通生活变为孤独主观。分享只限于意见而不在于拥有,仲边有一支汽水两份分咁难得。没有童年,只懂上网,不善沟通,只用符号。有乜唔妥,粗口四骂,虚拟现实,欺凌文化。不懂慎思,不会明辨,一手琴技,毫无造诣。仲要「我好闷,你好烦!」难怪政府高官,口说建立香港,但个个仔女都留学去英国,多饮鹹水,免中铅毒。

 

理想难行,游场落霞 瀡滑梯、摇摇板、凼凼转、打韆鞦、爬钢架、铁马仔,已伴随那份简单互动的满足感,逐渐消失于近年间。 所谓土地发展、或青年事务,又是否只剩下有楼有舖,利益输送。有人深具理想,有人生无方向。当然每个场都有佢嘅潜规矩,未落场之前玩大就真係会都唔使去。波都未踢,又何必咁快去学前辈玩口音讲大话。要知道「球证、旁证、足协、足总、足委,全部都係我的人,点同我打呀?」所以要争取落场,免被糟蹋,发挥球迷的期望,于赛事中踢一场漂亮的好波,又何必拘泥于开赛前的国歌,搞到出师未捷身先屎呀! 小孩行为,反映大人的身教问题。如睇唔过眼,只怪上一代的坏榜样建立,每况愈下……

 

冯俊键~兴趣多而寻究底,爱藏物并拥思人。七十后,旧情寻。电邮:70funs@gmail.com